VOV.K'Ho- Bơh rài yŭt rài yau, geh 2 nă oh mi Tung mờ Xết – cau Tơ Đrá (dùl jơi kòn cau Sơdàng) tiơng pơn rơ pràn kơl dang, khin cha mờ sùm kơlôi sơnơng jòi broă lơh dong ƀòn lơgar. Tàm gùng lòt jat jơng dùl nơm rơwas brê, bol khai nisơna gĭt gŏ ală nai lŭ krơi mpồn ndơ̆p tàm dơlam ù. Mờ bơta kơ̆ nùs, bồ tơngoh bơceh lơh mờ bơta yal tơngĭt crih crài ngan bơh brê bơnơm dê, 2 oh mi neh jòi geh broă tiar gơs ală phan ngui lơh broă mờ lòs sơn rờp. Jơnau yal yau “Tung mờ Xết- jơnau yal yau broă tiar lòs kòn cau Sơdàng dê” mờ làng bol mờ ală bơyô iăt tơnơ̆ do, ờ mìng yal bè bơh tài geh broă tiar lòs bơh kòn cau Sơdàng dê lơm mờ gam jờng rơ bồ tơngoh jak, nùs nhơm lơh broă mờ bơta kơ̆p kờñ lơh ai rài kis ngai sơlơ niam bơnĕ rlau tai.