VOV.K'Ho- Jơnau yal yau “Tiều A Lé” bơh kòn cau Vân Kiều yal bè klau pơnu hèr klau mơya sùm mpồn să tàm rùp să bơ̆ bơl, kòp jê den tàng gơtìp tơl nă cau sền ờ sơ̆p, ơm ngài. Krơi mờ ală cau gùt dar, ùr ơruh kòn put bơh cau tờm ƀòn dê mờ nùs nhơm lơbơn niam, kờñ gơboh cau neh cèng nùs nhơm kờñ gơboh klau pơnu do. Tus dì tŭ bol sò tơm sơgràm, Tiều A Lé neh khin cha ñă ntào tam lơh mờ lơh nrah nring jơh bol sò tơm iơh bơsak, sền gàr làng bol ƀòn lơgar