VOV4.K’Ho- Ñrùh dà Diệu Thanh là dùl tiah tiơng pơnrơ niam bơnĕ ngan tàm xã Nhân Cơ, kơnhoàl Dăk R’lâp, càr Dăk Nông dê. Cau Mạ tàm do hòi là Leng Dũn (ñrùh dà Dun) mờ ƀòn Phũng (ñrùh dà Dun), tài bơh geh tŭ tơngai làng bol tàm do gơtìp kòp dun. Nàng mblàng lơh loh ai jơnau kòp jê do in, cau Mạ lời wơl tơnơ̆ do yal yau “Jơnau bơh tài mờ geh Ñrùh dà Dun. Yal yau gam pà gŏ jơnau gơlời wơl bơh bơhiàn bao mờ cau dùl jơi nòi bal (bau mờ cau pròc mhàm bal) là oh kòn tŭ deh den ƀươn ngan bơtờp ală kòp ờ niam tàm să jan, kwĕt kơlte bơh mè deh, kòp tàm bơtờp mờ jơi nòi gơtìp rốt gơtìp siar.