VOV4.K'Ho- Jơnau yal yau “Klau bơngơl bơsram bơta ngăc ngar” yal bè dùl nă klau bơngơl ơm tềng đap jơnau pơhìn digơlan gơtìp pơ ùr sang. Tàm tŭ hơ̆, pô me, pô bàp den hàm priă, kờñ tơn bàu pơ ùr klau bơngơl dê ai dùl nă klau pas, bơsram jak in. Tàm tŭ moat jrùm ờ gơ dan, klau bơngơl geh cau ơm rềp hìu lơbơn niam bơto lòt bơsram bơta chài nàng gàr pơ ùr. Ală ngai lòt lềng, klau bơngơl gơ di bơsram ờm ală jơnau đơs tiơng pơn rơ. Tus ngai pô me, pô bàp lơh dơ̆ rơ wah bơr tơu ndai, klau bơngơl tus bal mờ gơ di đơs ală jơnau đơs tiơng pơn rơ, lơh tơl nă cau rơngòt ngan. Bơh hơ̆ klau pas kung sang tĕ jơnau kờñ pìt pơ ùr klau bơngơl dê, mờ pô me pô bàp kung dờp klau bơngơl do là bơr tơu khi dê.