VOV4.K’Ho- Yal yau “Nha sa cùr mờ plai pơnàng” bơh kòn cau Cơ Tu dê yal bè bàr nă ùr bơklau klau Bơs mờ ùr Bum Viêm. Tơnơ̆ tŭ ùr Bum Viêm chơ̆t tĕ geh ồng Na dong kờl den tàng neh rê lơh pơ ùr ồng Na dê. Ngai ñô bau, ồng Na jà klau Bơs tus mờ bè jơnau neh kơlôi lài, jơh bal 2 nă khi tam lơh gơ̆p. Ùr Bum Viêm gŏ bè hơ̆ den tàng neh ngui ală kơldung sơnơm neh rơcăng lài mờ rơsìh tơn lơh klau Bơr gơgơs tờm pơnàng, ồng Na gơgơs pơnai lŭ, mờ khai gơgơs jriang nha sa cùr mờ bàr nă kòn gơgơs mpal bŏ nha sa cùr. Bơh tơnggume jơnau yal yau do neh gơtha là ñchi bơh tài geh bơhiàn mờng kwèng sa nha sa cùr ngai do bơh cau Cơ Tu dê kung bè cau Yoan.