VOV4.K'Ho- Klau Dam Boh Kneh mờ klìu lơh pơrlồm bè kòn bơnus” là jơnau yal yau bơh kòn cau Rơđê dê. Jơnau yal yau do đơs bè tơngume bơta lơbơn niam jai pha rlau mờ bơta jàñ bơsak. Bơta jàñ bơsak là jơi klìu, ai bơta lơbơn niam là 2 nă ùr ơruh mờ dồ nă kòn bơh khi dê. Tàm dơ̆ tam lơh đah bơta lơbơn niam mờ bơta jàñ bơsak geh bơta tus bal bơh Yàng Trồ dê, mơya kòn bơnus kung là cau lơh nền. Bơh jơnau yal yau do, kòn cau Rơđê kờñ tơngŏ dùl bơta kơ̆p kờñ niam ngan là brồ guh tus dùl tơngai khat gơboh is geh rài kis lơngăp lơngai, hờn chờ ờ gam geh tai jơnau cau sa kwề cau tai.