VOV4.K’Ho- Tàm ală yal yau kòn cau Rơđê dê, rùp klìu geh yal wơl dồ bă uă ngan. Pơnrơ ngan là yal yau H’Bia Tô Ngô yal bè dồ ƀòn gơgơs klìu tài bơh neh rlau sa piang yàng gơnrơh dê. Yal yau bơh tài geh hiòng dà croh Êa H’Leo yal bè klau Y Rít neh khin cha jak chài ngan tam lơh jai pha mờ klìu poh nơm gơl nàng dong klàs jơh dồ ƀòn lơgar. Yal yau klau Dam Thih neh dong ai làng bol ƀòn lơgar in lơh bơtô srồñ nàng gơsơ̆t bol klìu rê lơh aniai ƀòn lơgar. Kwơmàng tàm hơ̆ geh yal yau “Klau Dăm Boh Kneh mờ klìu lơh pơrlồm kòn bơnus”. Yal yau do bơh Wơn Knah dê, lài do là kwang bàng lơh broă tàm Cơldŭ lơh broă Niam chài- Yal tơngĭt jơnau kơnhoàl M’Drăk, càr Dăk Lăk dê jòi cih mờ mblàng wơl.