Tus tŭ do, sră nggal rơcang cih Adat Ù tiah (tam gơl) neh cih gơs adat boh lam, tơrgùm wil tơl nùs nhơm Nghị quyết sồ 18 bơh Đảng dà lơgar dê, lơh jat nùs nhơm Sơnua boh lam, kơrnuat boh lam bơh Đảng mờ ală adat boh lam tŭ do dê.

Đơs tàm dơ̆ pơrjum, Củ tịc Quôk hội Vương Đình Huệ sồr tơrgùm tàm ală broă gam geh uă jơnau đơs krơi is, bè: ai wơl ù nàng lơh rơndap broă lơh hìu ơm tac bro, rơndap broă lơh bơrlŭ bal hìu ơm tac bro; broă drơng ala; broă lơh lơh nền giă ù, gơnăp gơnoar, kơnòl sac rơ wah broă lơh lơh nền giă ù; Rơndap broă lơh gơlik khà ù, kes priă bơtàu tơnguh ù, tam gơl jơnau kờñ ngui ù. Củ tịc Quôk hội đơs nền ală broă do pal geh kơlôi sơnơng dồ bă nền nòn lài mờ tŭ yal Quôk hội in sền sơ wì, ring bal Adat Ù tiah (tam gơl) tàm pơrjum nisơna dơ̆ 5.

Bè jơnau rơcang cih Adat ală ngân hàng (tam gơl), Củ tịc Quôk hội đơs ngan, do kung là rơndap lơh adat kuơmàng ngan, gơ rềng uă tus priă jền, gàr kơ̆ broă lơh sa dờng; lơngăp lơngai, ală ngân hàng dà lơgar. Sồr pơn jat tai lơh sir rơndap lơh adat boh lam nàng gàr rơndap lơh adat boh lam ring bal geh bơta niam ngan rlau jơh, ring bal mờ ală adat boh lam bè Adat broă mờ phan bơna làng bol, adat lơh jat kơrnuat lơh glài broă mờ phan bơna làng bol, adat atbồ dia… mờ lơh jat jơnau sồr ngan ngồn, rơndap sap sèng wơl ală mpồl ai càn priă mờ ngân hàng.

Ai jơnau đơs bè jơnau rơcang cih Nghị quyết bè 2, 3 gùng dà, broă lơh, broă dong kờl krơi is nàng tă bơsong kal ke, kòl yan, tơnguh mhar tơngai lam lơh ală broă lơh jơnau kờñ dà lơgar, Ủy ƀan Thường vụ Quôk hội ring bal bơta pal geh bơh broă ai tơlik gùng dà, broă lơh, broă dong kờl krơi is là sơn đờm bơh bơta geh ngan nàng tă bơsong ală kal ke, kòl yan tàm broă lam lơh ală broă lơh jơnau kờñ dà lơgar nàng tơnguh mhar tơngai lam lơh, cồng nha lơh geh bơh ală broă lơh do dê tàm tơngai tus. Phó Củ tịc Quôk hội Nguyễn Khắc Định sồr: “Nghị quyết là bơsong ală broă, tă bơsong kal ke mờ tơnguh mhar tơngai lam lơh. Den tàng pal tơrgùm tă bơsong mờ tơnguh mhar rlau tai. Lài ngan là neh tă bơsong den pal bơklơn tai. Dơ̆ 2 là neh tơnguh mhar den bañ geh tai sră pơ àr, lời gơbàn lơyài tai, kal ke tai, roh tŭ tơngai, dut ndơl den gơ gơs lơyài. Jơnau sồr là lơh jat Nghị quyết sồ 98, Nghị quyết sồ 100. Mat sơnđan lơyah gời mờ kung ring bal ờ hòi là Nghị quyết lơh tơrlòng lài. Bè tơngume là neh tơrlòng lài, geh broă lam lơh, geh tŭ tơngai, geh cau gơ rềng mờ broă lơh do mìng tàm pơgap rlau 1 nam, mờr 2 nam tai gời”.

Củ tịc Quôk hội Vương Đình Huệ tơngkah broă tam pà kâp, tam pà gơnoar ai kâp kơnhoàl in tàm broă lam lơh ală broă lơh jơnau kờñ dà lơgar. Bulah bè hơ̆, tơngai ai ngui pal sền sơ wì, lời ai broă bơt bơtàu broă lơh mờ lam lơh jat tơngai lơh broă tus in: “Dilah tam pà kâp ai kâp kơnhoàl in mờ tŭ do ờ lơh geh bơta kuơ mơ tơn, mờ kung ờ dong kuơ lơi ai broă bơt bơtàu tơngume broă lơh bơh tơngai tus dê den he rơp cih tàm Nghị quyết bơh Quôk hội dê mờ tŭ ring bal ală broă lơh jơnau kờñ dà lơgar bơh tơngai tus dê. Ai dilah geh bơsong ală broă tềng đap mat tàm do halà ờ mùng geh kuơ là dùl gùng dà broă lơh ngan ngan ngồn ală jơnau lơh nền nàng ală anih lơh broă bơh Cíñ phủ dê in bơt bơtàu broă lơh hơ̆ sồng sền sơ wì. Bè hơ̆ den rơp krơi rlau tàm jơh ală jơnau pal jat, broă dong kờl”.

Tàm pơrjum, Phó Thủ tướng Trần Lưu Quang pà git, Cíñ phủ rơp lơh sir ală broă gam wơl, lơh jat ală jơnau sồr tàm tơngai gờñ ngan rlau jơh: “Lài ngan là kơp kờñ ală oh mi pơn jat tai dong kờl nàng tơn jơh dơ̆ pơrjum do, bol he geh dùl broă tă bơsong nàng broă lơh do pơn jat tai lam lơh mờ gơtùi lơh gơs di mờ tơngai hơ pơrgon. Dơ̆ 2 là kơp kờñ geh jơnau cih tă bơsong gơ in tus gùng tus dà, dilah ờ bè hơ̆ den pal geh jơnau pơlam uă ngan mờ pal kong mờ ală bơta kal ke ndai. Dơ̆ 3 là bơta lơi ờ hềt loh den bol he pal ring bal broă lơh cèng jơnau pal jat nàng tă bơsong, lơh gơlik bơta ƀuơn ƀuài geh lơh nền tàm tơngai tus nàng pơn jat tai tă bơsong ai broă lơh sir lam lơh 3 broă lơh do”.

Tàm pơrjum dơ̆ 29, Ủy ƀan Thường vụ Quôk hội ai jơnau đơs bè broă bơtơl Broă rơndap lơh bơcri priă dà lơgar di mơ tơngai priă bơcri kes priă dà lơgar tơngai bơh nam 2021 tus nam 2025 bơh bơnah priă rơcang lài ndrờm bal mờ bơnah priă gơguh tă dơ̆ ngui, tềm pềr tă ngui kes priă dà lơgar nam 2022 ai ală kơnòl broă, rơndap broă lơh bơcri priă dà lơgar mờ bơ tơl Broă rơndap lơh bơcri priă dà lơgar di mơ tơngai ai Tập đoàn ồs đèng Việt Nam in bơh bơnah priă rơcang lài bơh Broă rơndap lơh bơcri priă dà lơgar di mơ tơngai dê.