Đơs sơnđờm mŭt pơrjum cribơyai, Pơgru dờng, Tiến sìh ồng Nguyễn Xuân Thắng, Củ tịc Mpồl duh broă Cribơyai jơnau tàm sră pơ àr Dà lơgar pà gĭt: Pơrjum cribơyai là broă lơh geh lơh dờng ngan rlau jơh bơh sơnrờp nàng ai Jơnau lơh nền tàm pơrjum bơh Pơrjum dờng dơ̆ XIV Đảng dê mŭt tàm rài kis. Bơh ndo, nàng kờñ kơlôi sơnơng jrô jơnau sồr lơh bơh Tổng Ƀí thư ồng Tô Lâm dê là pal lơh broă mơ tơn tơnơ̆ Pơrjum dờng, mờ nùs nhơm jơh nùs jơh tồr, sơrbăc mhar mờ mùl màl, tă pơgồp ngan ngồn tàm broă lơh jăt geh cồng nha ală jơnau kờñ, kơnòl broă bơh Pơrjum dờng dơ̆ XIV Đảng dê.

Do là pơrjum bơh sơnrờp mờ bol he kờñ pal bơyai lơh uă pơrjum, pơrjum cribơyai cèng bơta mìng dùl tơngume, jrô ơnàng bè tơl broă. Tàm hơ̆, mờ broă bơtàu tơngguh mhar, kơnhăp jŏ tàm jơnau sồr pa tơn; broă bè bơta pràn gơguh bàr nơm khà gơ jăt bal mờ lơh geh broă lơh gơguh pa, pal geh pơrjum jrô bè hơ̆. Bol he kung kờñ pal geh ală pơrjum bơyai bè bơtàu tơngguh jak chài măy mŏk, tam gơl pa bơceh lơh mơya đah sền là lam lơh jăt Jơnau lơh nền tàm pơrjum hơ̆, ngan là Jơnau lơh nền tàm pơrjum 57, Jơnau lơh nền tàm pơrjum 59, Jơnau lơh nền tàm pơrjum 66, Jơnau lơh nền tàm pơrjum 68…Đơs wơl là geh 9 jơnau lơh nền kwơmàng, lơh loh làng nùs nhơm Sră nggal XIV. Nùs nhơm bơh Sră nggal Pơrjum dờng dê là bol he gam kơ̆ cơnđoà lòt tềng hơđơm Nha bồng bi gơklŏ ngan bơh Đảng dê, tơrgùm bal pràn, dùl nùs bal nàng lơh jăt 2 jơnau kờñ 100 nam, mờ nùs nhơm rơcăng lài is broă rơndăp lơh, kơnờm tàm bơta pràn is, pin dờn is nàng cơnđoà mŭt tàm rài kis. Jơnau kờñ dŭt ndơl bơtàu tơngguh uă rài kis gơboh gơbài làng bol dê”.

Pơrjum cribơyai geh lơh 2 dar cribơyai geh “Ai nùs nhơm pa Sră nggal Pơrjum dờng XIV Đảng dê mŭt tàm rài kis” mờ “Ai broă lơh lơh broă bơh Pơrjum dờng XIV Đảng dê mŭt tàm rài kis”.

Phó Pơgru dờng, Tiến sìh ồng Dương Trung Ý, Cau sền swì dờng Sră ƀăo Kộng sản đơs ngan: Pơrjum dờng XIV là Pơrjum dờng bơh tam gơl pa pràn kơldang, tam gơl pràn bè bồ tơngoh, bơta wèt sền mờ kơ̆p kờñ ngan bơtàu tơngguh, là Pơrjum dờng bồ tơngoh jak, bơta kơ̆ nùs mờ jơh nùs lơh ngan uă bal mờ ală jơnau lơh nền kwơmàng nàng ai dà lơgar kơ̆ cơnđoà guh pràn tàm rài pa bơh jơi bơtiàn dê. Sră nggal dơ̆ do gơ tơlik uă jơnau sồr pa gơcèng bơta lơh broă, đơs gơlòt bal mờ lơh, gĭt nền loh jơnau kờñ, kơnòl broă, broă lơh bơsong gơ jăt bal kơnòl mờ cồng nha, gơ jăt bal tam gơl pràn mờ kơnhăp jŏ, gơ jăt bal lơh glài lơh jăt bal mờ bơta niam nùs làng bol dê. Phó Pơgru dờng, Tiến sìh ồng Dương Trung Ý, đơs loh: “Mùl màl neh đơs nền, bơta kwơ Sră nggal Pơrjum dờng dê ờ mìng gơ ơm tàm tơngume nùs nhơm geh cih mờ đơs tàm sră nggal lơm mờ uă ngan geh sền swì tơnggŏ tàm mùl màl lam lơh jăt. Sră nggal Pơrjum dờng dê mìng geh kwơ mờ mùl màl kis tŭ geh tơnggŏ, lơh gơs adăt boh lam gơgơs ală gùng dà broă lơh dờng, lam lơh jăt gơtùi, lơh gơlik geh bơta tam gơl ngan ngồn tàm rài kis cíñ trị, lơh sa, niam chài mpồl bơtiàn, tàm ală broă sền gàr dà lơgar, lơngăp lơngai, lơh broă mờ lơgar ndai bơh dà lơgar dê mờ tơnggŏ bơta tam gơl pràn kơldang bơh mùl màl dê, tàm bơta bơtàu tơngguh bè rài kis phan bơna, nùs nhơm mờ tơngguh tai bơta pin dờn bơh làng bol dê gơ wèt mờ Đảng, Dà lơgar. Nàng pơgồp bơnah lam lơh jăt ngan ngồn ală  nùs nhơm, jơnau kờñ, kơnòl broă tàm ală Sră nggal Pơrjum dờng XIV Đảng dê, broă gĭt wă, lơh jăt ală tơngume jơnau đơs nùs nhơm pa tàm Sră nggal Pơrjum dờng XIV dê là kwơmàng ngan gĭt lơh mờ kờñ ngan gĭt lơh”.

Đơs pơndŭt pơrjum cribơyai, Phó Pơgru dờng, Tiến sìh ồng Đoàn Minh Huấn, Kwang Lam bồ Hìu bơsram kơlôi sơnơng Cíñ trị dà lơgar Hồ Chí Minh đơs: Pơrjum cribơyai tơnggŏ di tŭ ngan, sơrbăc mhar, lơh wơl mhar di mờ nùs nhơm Dà lơgar dê dơ̆ do là lơh broă, ờ duh pal bơh uă broă lơh kòn gùng mờ lơh song tơn tàm ală broă lam lơh jăt Jơnau lơh nền tàm Pơrjum XIV dê. Nùs nhơm lơh broă bơh pơrjum cribơyai dê tơnggŏ loh tàm bơta tam gơl broă lơh cribơyai mờ bơta dờng màng bơh tơl jơnau đơs tă pơgồp dê. Ală cau ala măt neh tơrgùm cribơyai bè ală tam gơl pràn kwơmàng, bơh tam gơl pa broă lơh tơrlòng gơguh, bơtàu tơngguh lơh sa làng bol dê lơh is tus ală broă bè lơngăp lơngai sền gàr dà lơgar mờ lơh broă mờ lơgar ndai.

Đơs sùm ală kơnòl broă tờm kwơmàng kờñ pal lam lơh, ồng Đoàn Minh Huấn sồr ală mpồl lơh broă drơng lơh pal pơgồp bal mblàng yal uă cồng nha pơrjum cribơyai, jăt gơnoar broă, kơnòl broă. Bơh hơ̆, lơh jăt ngan ngồn cồng nha kơlôi sơnơng Jơnau lơh nền tàm pơrjum bơh Pơrjum dờng XIV Đảng dê mŭt tàm broă rơndăp lơh, broă lơh lơh broă bơh tơl anih lơh broă, mpồl lơh broă dê.

“Lài mờ Pơrjum dờng den tus bal ai rài kis tơmŭt tàm Jơnau lơh nền tàm pơrjum. Tơnơ̆ tŭ geh Jơnau lơh nền tàm pơrjum rao den wơl ai tơmŭt wơl Jơnau lơh nền tàm pơrjum mŭt tàm rài kis. Do là broă đah cribơyai jơnau tàm sră pơ àr mờ bơta mùl màl, den bol he sền tàm do: Ală tơngume tơnggŏ tàm do geh ală broă kờñ ngan mhar ngan tềng đăp măt, lơyah tơngai bơh nam 2026 dê, geh ală broă bơh jơh bal di mơ tơngai bơh tơngai lơh kơnòl broă dê, geh ală broă bơta wèt sền jŏ tơngai ndrờm geh đơs ndrờm bơyai dipal ngan. Ală broă tam gơl pràn kwơmàng den geh ală broă gơ wèt bè bơnàng jă ai bơtàu tơngguh in, geh ală broă gơ wèt bè broă lơh tơrlòng lài, geh ală broă gơ wèt bè lơh broă, bơh lơh broă bal tus lơh broă ƀòn lơgar”.