Tàm dơ̆ lơh broă, đơng lam Cơldŭ Kảñ sát ntrờn làm bă tiah mờ Tiểu đoàn 303 pà gĭt, geh mpồl lơh broă neh rơcăng lài lơh wil tơl broă rơndăp lơh, gùng dà broă rơndăp lơh, lam tàm jàu mpồl drơng gak crăp rơcăng tam lơh jăt di jơnau sồr bơh kâp hơđăng dê, pal sền gàr niam lơngăp lơngai ală anih kwơmàng, ƀòn lơgar tờm kwơmàng, crăp rơcăng lơh bơsong di tŭ jơh ală jơnau digơlan gơlik geh.

Trung tướng ồng Trần Đức Thuận, Phó Lam bồ mờ Kong kơnòl Anih duh broă Sền gàr dà lơgar Lơngăp lơngai mờ Lơh broă mờ lơgar ndai Quôk hội dê cih dờp, đơs niam ngan nùs nhơm geh kơnòl, bơta rơcăng lài, jơh nùs bơh ală mpồl lơh broă dê tàm broă lơh rơcăng mờ lam lơh kơnòl broă sền gàr niam lơngăp lơngai, rơndăp tăp sèng drơng broă lơh tĕ khà in.