Tàm dơ̆ còp, Ƀí thư Tỉñ ủy càr Lâm Đồng yal bè cồng nha Pơrjum dờng cau ala măt gùt lơgar dơ̆ XIV Đảng dê, ală kơnòl broă tờm kwơmàng, jŏ jòng nàng kờñ gờñ ai Jơnau lơh nền tàm pơrjum bơh Pơrjum dờng XIV Đảng dê mŭt tàm rài kis. Ồng Y Thanh Hà Niê Kđăm đơs niam ngan ală lơh ngan bơh Đảng ƀộ, gơnoar ătbồ mờ Làng bol Tiah is ồn Phú Qúy dê tàm bơtàu tơngguh lơh sa – mpồl bơtiàn gơ jăt bal mờ gàr kơ̆ sền gàr dà lơgar – lơngăp lơngai, gơnoar tờm dà lềng bồt bơlào; mơkung pơyua jơnau nting bơr gờm chờ sơnam pa tus jơh tơl nă kwang bàng, đảng viên, cau ling mờ Làng bol tàm bồt in.

Di dơ̆ do, mpồl lơh broă neh jàu 67 bơnah phan pà Sa tềp ai Đảng ủy, Mpồl duh broă Làng bol, Anih duh broă Làng bol, Anih duh broă Mặt trận dà lơgar Việt Nam Tiah is ồn Phú Qúy in, bal mờ ală mpồl cau gam lơh kơnòl broă tàm ù tiah do. Pơn jăt hơ̆, mpồl lơh broă neh lòt còl, nting bơr sa tềp Pôs đồng Sền gàr tiah nhàr lơgar Mpồng nhàr lơgar Anih ơhò ơm Phú Qúy; jàu phan pà, pơndờm pơnđiang kwang bàng, cau ling, nting bơr kơ̆p kờñ mpồl lơh sir niam kơnòl broă sền gàr kơ̆ kơnhăp gơnoar tờm, lơngăp lơngai tiah dà lềng, bồt bơlào tàm dơ̆ Sa tềp bơhiàn dà lơgar nam Ơseh 2026.