Jăt đơs, lơh sa- mpồl bơtiàn ƀòn dờng dê tàm 4 nhai bồ nam 2025 pơn jăt tai lơh geh uă cồng nha niam ngan. Kờp jơh priă geh bơh broă lòt nhơl nhai 04 kờp dŭ geh mờr 20 rbô tơmàn đong, gơguh 30% pơndrờm bal dùl tŭ mờ nam lài…Broă lơh rơcăng ai broă rơndăp tăp sèng, rơndăp mpồl lơh broă sră pơ àr gơnoar ătbồ ală kâp mờ gơnoar ătbồ ƀòn lơgar 2 kâp geh lơh jăt sơrbăc mhar, rơcăng lài, di tŭ. Ală kơnòl broă, broă lơh chồl tơngguh gơguh tai lơh sa geh lơh jăt kràñ cê jơh nùs. Ală rơndăp broă lơh, broă lơh kwơmàng, broă tờm, broă bơ̆t bơtàu gùng lòt tàm tơrbŏ bal pơn jăt tai lơh mhar tŭ tơngai lơh.

Is ồn, ƀòn dờng Hồ Chí Minh neh bơyai lơh geh cồng nha ală broă lơh Tơngkah kir sơnrai 50 nam Ngai Tơngklàs tiah đah Jum, tơrgùm dùl dà lơgar, lơh geh nùs nhơm chờ hờp gơrề làm jơh gùt lơgar mờ geh bal làng bol he ơm tàm lơgar ndai, gơ̆p bơyô ală lơgar sền gròi. Bơh bơta  lơh jăt bal bơh làng bol dê, cồng nha lwoh geh bơh ròt ală broă lơh pa do là cơng tàng nàng ƀòn dờng Hồ Chí Minh lơh gơgơs dùl Dơ̆ lơh chờ Tơrgùm dùl tàm pah dơ̆ ngai 30/04 pah nam, tơnggŏ bơhiàn krơi is mờ bơ̆t bơtàu phan bơna lòt nhơl, lơh sa mờ măy mŏk niam chài ƀòn dờng dê.