Dơ̆ tĕ khà dơ̆ do, càr Gia Lai geh 28 nă cau tơlik măt tĕ khà cau ala măt Quôk hội nàng cau tĕ khà in pồ 16 nă cau ala măt ngan ngồn; 138 nă cau tơlik măt tĕ khà tàm 18 mpồl lơh broă tĕ khà nàng pồ 85 nă cau ala măt Mpồl duh broă Làng bol càr Khoă XIII; bal mờ rlau 5 rbô 100 nă cau tơlik măt tĕ khà nàng cau ala măt in pồ mờr 3 rbô nă cau ala măt Mpồl duh broă Làng bol kâp sàh.

Tus tơngai do, Anih duh broă Tĕ khà càr Gia Lai neh lơh sir jơh ală broă rơcăng, gàr tơl ală bơta pal geh nàng ngai tĕ khà geh lơh di jơnau sồr. Mờ bơta rơcăng wil tơl, nền nòn, ngai tĕ khà 15/03 geh kơ̆p gơn gơgơs ngai chờ làng bol lơh tờm khăt gơboh, tiah tơl pang sră tĕ khà ơn pơyua bơta pin dờn săc rwah ală cau ala măt geh nùs nhơm niam, geh broă lơh jak, ala măt ai bồ tơngoh mờ jơnau kơ̆p kờñ bơh làng bol ƀòn lơgar dê.