Củ tịc Anih duh broă Làng bol càr cih dờp, jờng rơ ală lơh ngan, cồng nha lơh geh bơh mpồl Sền gàr tiah nhàr lơgar dê tàm sền gàr gơnoar tờm, gàr kơ̆ lơngăp lơngai rơndăp tăp sèng kơnhoàl ù tiah nhàr lơgar; jờng rơ ngan bơta pơgồp bal niam ngan mờ kâp ủy, gơnoar ătbồ ƀòn lơgar, pơgồp bơnah bơtàu tơngguh lơh sa – mpồl bơtiàn. Mơkung sồr ală mpồl lơh broă gàr niam sùm broă drơng gak crăp rơcăng tam lơh, tơngguh uă nùs nhơm rơcăng ngăc, pơgồp bal gàr niam lơngăp lơngai, niam lơngăp lơngai ƀòn lơgar tàm dơ̆ Sa tềp.

Gơ wèt mờ kâp ủy, gơnoar ătbồ sàh Ia Lốp mờ Ia Rvê, Củ tịc Anih duh broă Làng bol càr Dăk Lăk ồng Tạ Anh Tuấn sồr rơcăng lài gĭt broă gơlik geh, trăng gàr rài kis Làng bol in, pơgồp bơnah bơ̆t bơtàu nhàr lơgar ring lơngai, kơ̆ kơl jăp, bơtàu tơngguh.