Mŭt tàm sơnam pa 2026, nam sơnrờp lam lơh jăt Jơnau lơh nền tàm Pơrjum dờng XIV mờ Broă lơh lơh broă lơh jăt Jơnau lơh nền tàm pơrjum Pơrjum dờng XIV Đảng dê mờ Jơnau lơh nền tàm pơrjum bơh Pơrjum dờng Đảng ƀộ càr Lào Cai dê, Củ tịc lơgar ồng Lương Cường đơs sùm do là nam geh gơtha kwơmàng is ồn, sơnđờm ai tŭ tơngai bơtàu tơngguh pa mờ jơnau kờñ lơh jăt geh cồng nha bàr jơnau kờñ 100 nam: Tus nam 2030 ai lơgar he gơgơs lơgar gam bơtàu tơnguh geh lơh sa mờ măy mŏk pa ngan, priă lơh geh di mơ uă; tus nam 2045 gơgơs lơgar bơtàu tơngguh, priă lơh geh uă.

Củ tịc lơgar ồng Lương Cường sồr Đảng ƀộ, gơnoar ătbồ mờ làng bol càr Lào Cai pơn jăt tai đòm jăt bơhiàn tam klăc, lơh niam bơta pràn, bơta ƀươn, lam lơh jăt kràñ cê jơh nùs ală kơnòl broă bơtàu tơngguh lơh sa – mpồl bơtiàn; lơh pràn lơh tam gơl pa wơl sră pơ àr gơnoar ătbồ, tơngguh uă cồng nha lơh broă bơh mpồl lơh broă gơnoar ătbồ bàr kâp dê; sền gròi rài kis làng bol, gàr kơ̆ sền gàr dà lơgar – lơngăp lơngai, gơnoar tờm nhàr lơgar dà lơgar dê.