Đơng lam Cơldŭ lơh broă Củ tịc lơgar pà gĭt, tàm nhai 3, bơh bơta sồr lơh jơh nùs ngan bơh Củ tịc lơgar mờ Phó Củ tịc lơgar dê, Cơldŭ lơh broă neh rơcăng lài, kràñ cê jơh nùs lam lơh tơl làm ală kơnòl broă, drơng broă geh cồng nha broă lơh bơh đơng lam Dà lơgar dê tàm ală broă. Đơs pơndŭt dơ̆ pơrjum, Củ tịc lơgar ồng Lương Cường cih dờp ală cồng nha mờ Cơldŭ lơh broă Củ tịc lơgar dê lơh geh tàm tơngai do òr, đơs sùm Cơldŭ lơh broă neh lơh jăt niam nùs nhơm kơnòl, rơcăng lài, crăp rơcăng, pơgồp bơnah kwơmàng tàm broă lơh jăt kơnòl broă bal bơh đơng lam Dà lơgar dê.

Đơs bè kơnòl broă tàm tơngai tus, Củ tịc lơgar sồr Cơldŭ lơh broă pơn jăt tai tơngguh uă cồng nha lơh broă kơlôi sơnơng, dong broă, pơgồp bal; rơcăng lài rơcăng niam tơngume, sră pơ àr drơng ală dơ̆ pơrjum bơh đơng lam tờm ngan dê, bơh Ƀộ Cíñ trị, Mpồl Đơng lam Đảng Dà lơgar dê mờ ală broă lơh jăt broă lơh broă dê.