Ala măt đơng lam Đảng, Dà lơgar mờ Làng bol Việt Nam, Củ tịc lơgar jơh nùs chờ gờm mờ tam pà bal bơta chờ hờp bè ală broă lơh geh kwơmàng, geh gơtha kah yau mờ Đảng, Dà lơgar mờ Làng bol Lào oh mi neh lơh geh tàm gùng lòt bơtàu tơngguh 50 nam do.

Ai gĭt loh gĭt gơ̆p is ồn Việt Nam – Lào, Lào – Việt Nam neh geh ală đơng lam dờng ngan là Củ tịc Hồ Chí Minh, Củ tịc Kaysone Phomvihane mờ Củ tịc Souphanouvong să tờm tơn ơn bơnàng jă; geh ală rơnàng đơng lam mờ làng bol bàr lơgar roh uă dà kơlhề bơ̆t bơtàu, sền gàr, bơtàu tơngguh mờ dà kơlhề, bơta pràn, bồ tơngoh jak mờ geh bal mhàm ntìng, Củ tịc lơgar đơs nền, hơ̆ mùl màl neh gơgơs jơtài kas màng ngan, là “bơta gĭt gơ̆p geh dùl ờ geh bàr tàm jơnau kah yau dunia dê”, là anih kơldìng kơ̆ kơnhăp nàng ală rơnàng ngai do mờ tơnơ̆ do in cih tai ală jơnau niam bè gĭt gơ̆p lơh bơyô dờng ngan, bè nùs tam klăc is ồn mờ lơh broă bal tơl làm đah 2 lơgar.