Đơs sồr lơh tàm Pơrjum, Củ tịc lơgar ồng Lương Cường, đơs nam pa do, Cơldŭ lơh broă Củ tịc lơgar neh geh uă lơh ngan bơsong kal ke, pơgồp bal mờ ală anih lơh broă geh gơrềng tàm lơh bơsong bơnah uă broă lơh sùm, nisơna, dong Củ tịc lơgar, Phó Củ tịc lơgar lơh sir niam kơnòl broă geh jàu.

Đơs sùm mŭt tus nam 2026 jơnau sồr gơ tơlik gơ wèt mờ Cơldŭ lơh broă ngai sơlơ uă, tơl làm mờ kal ke rlau, tàm bơta bơnah broă lơh gơguh, anih gah broă ơnàng, Củ tịc lơgar sồr Cơldŭ lơh broă Củ tịc lơgar pơn jăt tai gàr niam ală cồng nha neh lơh geh; tơrgùm tơngguh uă cồng nha tă pơgồp jơnau đơs broă lơh kwơmàng, pal drơng di tŭ, di ngan, ală broă lơh bơh Củ tịc lơgar, Phó Củ tịc lơgar dê; mơkung rơcăng lài tă pơgồp jơnau đơs, pơgồp bal cồng nha mờ ală anih lơh broă geh gơrềng tàm lam lơh jăt ală gùng dà dờng bơh Đảng, Dà lơgar dê gơ jăt bal mờ lơh jăt Jơnau lơh nền tàm pơrjum dờng XIV, pơgồp bơnah gàr kơ̆ kơnhăp cíñ trị, lơh geh wơl bơta pin dờn làng bol dê, lơh gơlik geh bơnàng jă kơ̆ kơl jăp ai broă lơh tam gơl pa, bơ̆t bơtàu mờ sền gàr Dà lơgar.