Củ tịc lơgar ồng Lương Cường chờ gờm Kwang ătbồ Anih lơh broă ala măt lơgar Mỹ tàm Việt Nam ồng Marc Knapper lơh sir niam tơngai lơh kơnòl broă bal mờ uă tềl lời wơl kwơmàng, mơkung yal wơl ală broă bơtàu tơngguh pơnrơ ngan tàm gĭt gơ̆p Việt Nam mờ Mỹ tàm tơngai lài, is ồn là broă bàr lơgar tơngguh kơnă gĭt gơ̆p Lơh broă bal jŏ jòng tơl làm, do là kơnă lơh broă bal jơnhoa ngan rlau jơh tàm gùng dà broă lơh lơh broă mờ lơgar ndai bơh Việt Nam dê.

Củ tịc lơgar đơs niam ngan ală tă pơgồp jơh nùs bơh ồng Marc Knapper dê tàm broă lơh pràn lơh broă bal 2 gah bơtàu tơngguh geh cồng nha, kơnhăp jŏ mờ mŭt lơh ngan ngồn tàm uă broă jăt tàm bơta ki ngàm lơngăp lơngai is, gơnoar tờm ù tiah, tơl làm ù tiah dà lơgar mờ adăt boh lam cíñ trị bơh gơ̆p dê, cèng wơl bơta kwơ ngan ngồn ai làng bol bàr lơgar in.