Qúy I nam 2026, khà gơguh tai càr Dăk Lăk dê geh pơgăp 7,5%, kờp jơh priă bơcri gùt mpồl bơtiàn geh rlau 12 rbô 200 tơmàn đong, rề dia rlau 5 rbô tơmàn đong. Tàm pơrjum, ală cau ala măt tơrgùm mblàng sền jơnau bơh tài gam gơkòl, mơkung dan uă tơngume kwơmàng gơrềng tus kơrnoăt boh lam, gùng dà broă lơh mờ ală gơ wă gơkòl tàm mùl màl. Ală jơnau đơs tàm pơrjum dan Dà lơgar gờñ ai lơh jăt broă jàu ngui ù; tă bơsong ală rơndăp broă gam gơkòl; cih loh jơnau pal jăt tam pà priă bơcri dà lơgar tơngai bơh nam 2026- 2030; mơkung lơh sir jơnau cih rơndăp mpồl lơh broă, anih broă lơh kâp hơđơm.

Mpồl Cau ala măt Quôk hội càr Dăk Lăk pà gĭt, broă dan gùng dà broă lơh, kơrnoăt boh lam ờ mìng nàng tă bơsong kal ke mờ gam gơcèng bơta bơceh lơh, lơh gơlik gơn kơnờm bơtàu tơngguh kơnhăp jŏ. Mpồl rơ̆p tơrgùm wil tơl, yal wơl ală jơnau đơs tus Quôk hội mờ Dà lơgar in nàng pơgồp bơnah lơh sir kơrnoăt boh lam, tă bơsong anih gơkòl mờ lơh gơlik geh tơngume adăt boh lam ƀươn ƀoài ai bơtàu tơngguh tàm tơngai tus in.