Càr Dăk Lăk gĭt nền lơh tam gơl pa wơl sră pơ àr gơnoar ătbồ là broă tam gơl pràn, gơ jăt bal mờ kơnòl cau lam bồ dê. Nam 2026, Dăk Lăk geh jơnau kờñ gơmù 15% sră nggal, 10% pơrjum; 100% sră nggal lơh bơh mpồl lơh broă dùl mpồng; koh tơrmù 50% tŭ jiơ, priă tă lơh jăt ai mpồl lơh sa kă bro in.

Dăk Lăk geh jơnau kờñ mŭt tàm mpồl 10 càr lam bồ bè lơh tam gơl pa wơl sră pơ àr gơnoar ătbồ. Broă tờm lơh atm gơl pa wơl là lơh ƀươn sră nggal mờ lơh pràn tam gơl sồ, mờ jơnau sồr lơh sồ jơh sră nggal, tàm tơrbŏ ndrờm bal mờ Mpồng drơng broă sa priă bal dà lơgar dê, gàr niam ală broă lơh song dơ pă loh làng, jăt sền song dơ pă loh làng. Ală broă gơlik uă jơnau yal wơl bè ù tiah rơ̆p geh tơngguh tai jăt sền, lơh glài kràñ jơnau geh ngan bơthĭ bơthà; lơh jăt dan să tŭ bơsong sră nggal lơyài tơngai pơrgon. Càr kung lơh pràn tìp măt tơm bơh bơr mờ làng bol, mpồl lơh sa kă bro nàng sền swì cơng tàng cồng nha lơh tam gơl pa wơl.