Tus tŭ do, càr neh lơh sir lơh niam wơl 892 nơm hìu ờdiơng kơn jơ̆ tài bơh trồ tiah lơh aniai. Tàm kờp jơh 606 nơm hìu pal lơh pa, càr neh lơh sir 362 nơm hìu mờ jàu 311 nơm. Ală hìu gam wơl neh lơh rlau 2/3 bơnah broă. Mìng is 16 nơm hìu tàm tiah rơndăp anih ơm pa, càr digơlan jàu tàm ngai 19/01 tus.

Jăt Anih duh broă Làng bol càr Dăk Lăk yal, 16 nơm hìu do tàm tiah rơndăp anih ơm pa rơ̆p mìng pa cò pơnring bơnàng ù, mơkung pal lơh gùng ing drơng lơh hìu mờ ơm kơ̆p rơndăp tăp sèng ƀê tông nàng gơ in kơnhăp; tàm tŭ hơ̆ trồ tiah mìu uă tơngai do kung lơh gơrềng tus tơngai pơrgon lơh sir sơl. Tŭ do, càr Dăk Lăk gam hòi tơrgùm uă ngan rlau jo0wh cau lơh broă, tơngguh tŭ jiơ lơh nàng gờñ lơh sir ală hìu dong làng bol gờñ bè ờs wơl rài kis.