Tàm pơrjum, ồng Lương Nguyễn Minh Triết, Ƀí thư Tỉñ ủy càr Dăk Lăk đơs sùm: broă lơh tĕ khà là kơnòl broă cíñ trị is ồn kwơmàng, geh lam lơh tàm bơta jơh gùt Đảng, gùt làng bol chờ hờp tơnơ̆ cồng nha lơh geh bơh Pơrjum dờng cau ala măt gùt lơgar dơ̆ XIV Đảng dê mờ rơcăng wă rò Sa tềp bơhiàn dà lơgar dê nam Ơseh 2026. Ală kâp ủy, gơnoar ătbồ, anih lơh broă, mpồl lơh broă mờ ƀòn lơgar pal pơn jăt tai lơh jăt niam nùs nhơm geh kơnòl, rơcăng lài, lơh jăt di broă rơndăp lơh, lơh di tơngai pơrgon, niam mờ di jơnau sồr.

Broă lơh mblàng yal bè tĕ khà pơn jăt tai geh tơngguh tai, pơgồp bơnah tơngguh uă gĭt wă bơh kwang bàng, đảng viên mờ Làng bol dê bè gơnoar mờ kơnòl pal lơh làng bol dê, lơh gơlik nùs nhơm chờ hờp tàm pơrlòng duh hồl, wèt tus ngai chờ dờng bơh jơh gùt làng bol dê.