Kờp bơh tŭ tơnggơs tus tŭ do, sơrlèt rlau 14 dơ̆ pơrjum dờng, Đảng sùm lơh jăt jơnau kờñ jơnau gơ sồr bơh kăc màng dê nàng ai tơlik uă jơnau lơh nền, Jơnau lơh nền dờng tàm pơrjum ờ ơm bơdìh jơnau kờñ tài dà lơgar, tài làng bol. Phó Pơgru dờng- Tiến sìh ồng Nguyễn Viết Thông, lài do là Kwang Gơnoar cih Mpồl duh broă Cribơyai jơnau tàm sră pơ àr Dà lơgar dê đơs là mờ tàm Gùng dà bơh chờm Đảng dê nam 1930, Nguyễn Ái Quốc neh đòm jăt bơceh lơh cribơyai jơnau tàm sră pơ àr Gùng dà Mác Lênin dê tàm bơta mùl màl lơgar Việt Nam dê tŭ tơnggŏ uă nùs nhơm do: “Tàm Pơrjum tơnggơs Đảng neh ring bal ală sră nggal Gùng dà lơyah dồ êt; Broă rơndăp lơyah dồ êt; Bơta boh lam lơyah dồ êt; Broă lơh lơyah dồ êt bơh Đảng dê, ală sră nggal bơh chờm tơrgùm bal gơgơs gùng dà bơh chờm, neh ai gĭt loh, jơnau kờñ sùm sùm bơh Đảng dê là tài bơta kwơ làng bol dê mờ bơh hơ̆ tus tŭ do bol he sùm pơnđơl ai jơnau kờñ dờng màng ngan hơ̆ in”.

40 nam lòt rlau mờ uă cau kung gam sùm bơta ngoh rơngăc bơh dùl tŭ tơngai mờ cau mờng hòi là “rài lơh bal sa bal”…Hơ̆ là dùl tơngai kah yau is ồn bơh dà lơgar dê bal mờ ală jơnau yal kal ke ngan hŭi. Mờ bơh ndo, broă lơh Tam gơl pa neh sơrlèt uă bơta tam gơl pràn geh rơndăp. Tàm hơ̆, neh lơh sir gùng dà broă lơh lơh sa pa, tam gơl rài lơh sa lơh broă jăt gùng dà drà kă bro geh bơta tam pà bơh Dà lơgar dê. Pơgru dờng – Tiến sìh ồng Tạ Ngọc Tấn, Phó Củ tịc Duh broă sùm Mpồl duh broă Cribơyai jơnau tàm sră pơ àr Dà lơgar đơs là: “Hơ̆ là dùl cơnđoà kwơmàng ngan nàng lam tus dùl ròt ală broă gơ tơlik, bè: đơs nền Dà lơgar gơnoar kơrnoăt boh lam, đơs nền gơnoar broă kwơmàng ngan bơh broă bơ̆t bơtàu lơh niam wơl Đảng, đơs nền dờng ngan bè niam chài, gơguh lơh sa gơ jăt bal mờ bơ̆t bơtàu, bơtàu tơngguh niam chài, lơh jăt gơguh jak ring bal mpồl bơtiàn…Ală cribơyai jơnau tàm sră pơ àr kwơmàng ngan bè hơ̆ neh geh tơrgùm jơh wơl, sền wơl tơnơ̆ 20 nam tam gơl pa Đảng dê”.

Gùng dà bơ̆t bơtàu dà lơgar tàm rài tam gơl bơta yau gơgơs bơta pa guh tus củ nghĩa sàh hội (bơtơl, cih rơ̆ wơl nam 2011) geh ring bal tàm Pơrjum dờng XI Đảng dê gĭt nền jơnau kờñ tus gùl rài 21: “gùt Đảng, gùt làng bol he pal ai jơh pràn lơh ngan bơ̆t bơtàu lơgar he gơgơs dùl lơgar lơh sa mờ măy mŏk pa, jăt pơlam gùng sàh hội củ nghĩa”. Phàm tơngume dờng cih tàm Gùng dà 2011 Đảng dê tơnggŏ gĭt wă jơh bè “mpồl bơtiàn, mpồl bơtiàn làng bol lơh tờm ring bal mờ làng bol he bơ̆t bơtàu” kung gam geh gàr bè ờs tus tŭ do. Phó Pơgru dờng – Tiến sìh ồng Nguyễn Trọng Phúc, Hìu bơsram kơlôi sơnơng Cíñ trị Dà lơgar Hồ Chí Minh đơs nền: “Bơh kơlôi sơnơng cribơyai jơnau tàm sră pơ àr tơn jơh mùl màl mờ bơtàu tơngguh cribơyai jơnau tàm sră pơ àr, is ồn là cribơyai jơnau tàm sră pơ àr bè củ nghĩa sàh hội mờ gùng lòt guh tus củ nghĩa sàh hội Việt Nam tàm ală tŭ tam gơl pa den kung rơhời lơh ngan ngồn ală nùs nhơm cribơyai jơnau tàm sră pơ àr, ngan là 10 bơta tàm gơrềng dờng mờ Pơrjum dờng 13 neh tơn jơh, hơ̆ là cồng nha lơh geh bè bơ̆t bơtàu, lơh niam wơl Đảng bè cribơyai jơnau tàm sră pơ àr, bồ tơngoh”.

Tàm bơta dunia gơlik geh dơ̆ Tam gơl bơta yau gơgơs bơta pa lơh sa mờ măy mŏk dơ̆ puan mờ broă lơh dờng, bơta pràn mhar mờ ờ hềt tŭ lơi geh bơh lài, bal mờ ală tam gơl pràn bè măy mŏk, lơh gơrềng pràn kơldang tus jơh ală dà lơgar den tam gơl pa bơceh lơh là bồ tơngoh pa tàm broă rơndăp lơh bơtàu tơngguh bơh jơh ală dà lơgar dê.

Cồng nha lơh geh bơh Pơrjum dờng Cau ala măt gùt lơgar dơ̆ XIV dê, là tŭ tơngai kwơmàng tàm pơn jăt tàm pơdờn 40 nam tam gơl pa, lơh tềl tŭ tơngai pơn jăt tai bơh broă lơh tam gơl pa, mŭt gơrờm bal, là bơta tam gơl pràn kwơmàng tàm broă lơh bơtàu tơngguh bơh dà lơgar dê; tàm hơ̆ ai tam gơl pa bơceh lơh lơh gơn kơnờm, ai kòn bơnus mờ niam chài lơh bơnàng jă, ai lơngăp lơngai is rơcăng lài is gơ jăt bal mờ mŭt gơrờm bal jrô ơnàng làm uă lơh gùng dà lơh broă. Do là tơngai Việt Nam đơs nền kơ̆p kờñ ngan brồ guh, pờ gùng bơta pràn jak bồ tơngoh jak in, tơngguh uă pràn jak tàm pơrlòng mờ wèt tus bơtàu tơngguh mhar, kơnhăp jŏ. Pơrjum dờng XIV ờ mìng là jơh nùs lơh ngan cíñ trị lơm mờ là nùs nhơm tŭ tơngai, nùs nhơm ai Việt Nam cơnđoà pràn tàm rài pa bè jơnau đơs nền bơh Tổng Ƀí thư ồng Tô Lâm dê: “Pơrjum dờng cau ala măt gùt lơgar dơ̆ XIV là dùl broă cíñ trị dờng kwơmàng Đảng mờ Jơi bơtiàn he dê, là dùl tŭ tơngai kah yau bơh Dà lơgar dê tàm rài Hồ Chí Minh, lơh tềl bơta tìp bal bơhiàn yau rbô năm Niam chài kòn bơnus bơh Jơi bơtiàn dê nàng brồ guh tàm rài pa”.

Sơrlèt rlau 96 nam tơnggơs mờ bơtàu tơngguh, bơh Gùng dà bơh chờm tus ală cồng nha lơh geh dờng ngan bơh 40 nam Tam gơl pa mờ tŭ tơngai Pơrjum dờng XIV dê, Đảng he sùm kơ̆ dơn jơnau kờñ tài Dà lơgar, tài làng bol, sùm tam gơl pa is; lơh niam wơl nàng đơng lam dà lơgar lòt guh.  Mờ kơ̆p kờñ ngan brồ guh tàm rài pa, ai tam gơl pa bơceh lơh lơh gơn kơnờm, ai kòn bơnus mờ niam chài lơh bơnàng jă, Việt Nam dòn kơ̆ cơnđoà lòt tàm gùng lòt bơtàu tơngguh mhar, kơnhăp jŏ.