Ngai 25/3, rlau 550 nă làng bol lơh ka tàm sơnah ƀòn La Gi mờ sàh Tân Hải, càr Lâm Đồng neh tus bal dar cah rña lơh pơnyơu mblàng yal kơryan tras kŭp phan tàm dà tìs mờ adăt boh lam, ờ yal mờ ờ lơh jăt jơnau sồr (IUU). Broă lơh bơh Mpồl Sok sền lơh ka sồ 4, Anih lơh broă đơng lam Tiah Kảñ sát dà lềng 3 pơgồp bal mờ Mpồl Mblàng yal bơto bơtê mờ Hòi jà làng bol Tỉñ ủy càr, Anih Cah rña làng bol càr dê bơyai lơh.

Dar cah rña geh lơh bơh jơnau gơlik geh ngan ngồn bơh dơ̆ lơh tìs glài kŭp jàm gơrềng tus broă lơh “Lam ai cau ndai in lik lòt lơgar ndai tìs mờ adăt boh lam” mờ “Lơh tung lơtăng broă lơh bơh măy mŏk điện tử dê”. Bơh broă lơh tơnggŏ wơl ală broă lùp khàu, yă mờ cah rña, broă lơh dong làng bol lơh ka ƀươn wă, ƀươn lơh jăt ală jơnau sồr kơrnoăt boh lam dê bè tras kŭp phan tàm dà. Uă tơngume kwơmàng geh đơs sùm bè jơnau cih bè tiah tras kŭp, ătbồ ơhò ka, broă lơh lơh tìs IUU digơlan gơtìp lơh glài kŭp jàm, kung bè ală broă lơh bè tă sờr, lơh aniai jơh măy mŏk jăt sền lòt gùng.