Tàm dar pơrjum ală cau ala măt neh ai jơnau đơs bè Jơnau rơcăng cih Pơlam gùng lơh kơrnoăt boh lam tơngai lơh broă Quôk hội khoă XVI dê; jơnau rơcăng cih Tơngume rơcăng cih Ală jơnau neh lơh nền “Broă rơndăp lơh lơh sir ală kơrnoăt boh lam lơgar Việt Nam dê tàm rài pa”; Jơnau yal mìng dùl tơngume bè gùng dà, broă lơh, broă lơh bơsong dờng nàng lơh gơs kơrnoăt boh lam ală jơnau lơh nền, pơlam gùng bơh Đảng dê bè bơtàu tơnguh lơh sa làng bol dê lơh is jăt Jơnau lơh nền tàm pơrjum sồ 68 Ƀộ Cíñ trị dê; Jơnau yal mìng dùl tơngume bè gùng dà, broă lơh, broă lơh bơsong dờng nàng lơh gơs kơrnoăt boh lam jơnau lơh nền Đảng dê bè niam sàng goh phan sa; Jơnau yal cồng nha broă lơh lơh sir kơrnoăt boh lam, adăt boh lam tàm tŭ tơngai lài mờ gùng dà broă rơndăp lơh, kơnòl broă tờm tàm tơngai tus.

Đơs pơndŭt dar pơrjum, Tổng Ƀí thư ồng Tô Lâm sồr ală anih lơh broă pơn jăt tai kơlôi sơnơng, iăt kơno wil tơl jơnau đơs bơh ală kwang bàng Duh broă sùm Mpồl Sồr lơh dê mờ ală cau ala măt tus bal dar pơrjum dê nàng lơh tam gơl wơl, lơh sir ală tơngume geh yal, pal niam, di tơngai jăt jơnau sồr. Tổng Ƀí thư sồr, bè jơnau rơcăng cih Ală jơnau neh lơh nền Pơlam gùng lơh kơrnoăt boh lam tơngai lơh broă Quôk hội khoă XVI dê, tàm ală tŭ lơh sir Ală jơnau neh lơh nền, kờñ pal sền gròi uă broă lơh gơs adăt boh lam mơ tơn tàm nam 2026 ală tơngume tờm, kwơmàng bơh Sră nggal Pơrjum dờng cau ala măt gùt lơgar dơ̆ XIV Đảng dê.