Jăt hơ̆, mờ jơnau đơs “lòt tơl gùng, teh tơl mpồng hìu, pơlam tơl nă cau in”, đoàn viên, ơruh pơnu geh gĭt nền là mpồl cau tờm, dong kờl làng bol ngui geh cồng nha ală phan ngui sồ kwơmàng kờñ pal geh bè drơng broă sa priă dà lơgar tàm internet, sơnđan măt điện tử VneID, tơm priă ờ ngui priă măt mờ sền gàr niam lơngăp lơngai tàm anih internet.

Gia Lai geh jơnau kờñ tus nam 2030, 100% sàh, sơnah ƀòn tơnggơs mờ gàr sùm Jơnum măy mŏk sồ mpồl bơtiàn; rơndăp lơh anih dong kờl sồ tàm hìu niam chài halà hìu duh broă Anih duh broă Làng bol kâp sàh nàng dong làng bol ngui chài măt sơnđan măt điện tử khà 2. Ală jơnau neh lơh nền kung lam lơh broă lơh tơrlòng lài “sàh anih tờm bè jak chài măy mŏk, tam gơl pa bơceh lơh mờ tam gơl sồ”, digơlan săc rwah 30 sàh, sơnah ƀòn tàm nam 2026 do nàng lơh broă lơh tơrlòng lài lơh lài, bơh hơ̆ rề ơnàng lơh uă tàm jơh gùt càr.