Lơh jăt jơnau sồr bơh Phó Thủ tướng ồng Trần Hồng Hà dê tàm dar pơrjum pờ tơn tàm internet dơ̆ 31 Mpồl Sồr lơh dà lơgar dê bè kơryan tras kŭp ka tìs mờ adăt boh lam, ờ yal mờ ờ jăt jơnau sồr (hòi lơyah là IUU), Anih duh broă Làng bol càr Lâm Đồng pa geh sră nggal sồr ală sờh, gah, ƀòn lơgar lam lơh kràñ cê jơh nùs ală broă lơh ătbồ, sok sền kràñ ơhò ka ờ tơl bơta lơh broă. Anih duh broă Làng bol càr Lâm Đồng sồr Sờh Broă lơh sa sươn sre mờ Tiah ơm kis đơng lam, sồr Ci Kụk Phan tàm dà mờ Dà lềng bồt bơlào mhar tơrgùm kờp, lơh sră cih măt wil tơl ơhò ka ờ tơl bơta lơh broă jăt tơl ƀòn lơgar kâp sàh. Broă tơrgùm kờp geh bal sồ lơh sră ơhò, măt cau tờm ơhò, màh gĭt nền măt VneID, anih ơm mờ sồ điện thoại hòi lùp pơyua ală ƀòn lơgar in tơn tàm ngai 26/2/2026 nàng lam ătbồ, sok sền kràñ.

Kờp tus lồi nhai 02/2026, jơh gùt càr Lâm Đồng geh 8 rbô 207 nơm ơhò ka; tàm hơ̆ 7 rbô 234 nơm ơhò gam tơngai ngui sră lòt lơh ka, geh rlau 88%; 973 nơm ơhò ờ tơl bơta lơh broă neh geh lơh sră cih măt ătbồ, sok sền kràñ mờ ờ ai lik bơh anih ơhò ơm.