Bơh Pơrjum cribơyai dơ̆ pe, càr Lâm Đồng neh ring bal săc rwah, lơh sră cih măt 21 nă cau tơl jơnau sồr geh yal tơnggĭt cau tơlik măt tĕ khà Quôk hội khoă XVI mờ 133 nă cau tơl jơnau sồr tơlik măt tĕ khà cau ala măt Mpồl duh broă Làng bol càr Lâm Đồng tơngai bơh nam 2026 – 2031, gàr niam rơndăp tăp sèng, bơnah cau jăt jơnau sồr. Jơh gùt càr neh lơh 124 Anih duh broă Tĕ khà kâp sàh; 6 Mpồl lơh broă tĕ khà cau ala măt Quôk hội mờ 38 Mpồl lơh broă tĕ khà cau ala măt Mpồl duh broă Làng bol càr.

Jăt mò Phạm Thị Phúc, Phó Ƀí thư Tỉñ ủy, Củ tịc Anih duh broă Mặt trận Dà lơgar Việt Nam càr Lâm Đồng, broă lơh sir pơrjum cribơyai dơ̆ pe là bơnàng jă kwơmàng nàng càr in pơn jăt tai lam lơh ală broă pơn jăt tai tàm broă lơh tĕ khà, wèt tus bơyai lơh dơ̆ tĕ khà làng bol lơh tờm, di kơrnoăt boh lam, niam lơngăp lơngai mờ mùl màl là ngai chờ bơh jơh gùt làng bol dê.