Jăt jơnau yal, Qúy I nam 2026, Phú Qúy gàr sùm bơta pràn gơguh tai uă ngan, lòt nhơl wă mờr 42 rbô nă năc, kă bro phan mờ drơng broă sa priă duh hồl; tras kŭp phan tàm dà geh 3 rbô 570 tấn, gơguh pơndrờm bal dùl tŭ mờ nam lài. Lơh tam gơl wơl sră pơ àr gơnoar ătbồ, tam gơl sồ, sền gàr dà lơgar – lơngăp lơngai geh gàr kơ̆.

Bulah bè hơ̆, phan bơna bơ̆t bơtàu anih ơhò dà lềng ơm, dà sa, bơsong sồ siă sang mờ ătbồ ù tiah, drơng broă sa priă lòt nhơl gam ờ hềt dipal. Đơs tàm pơrjum, Củ tịc Anih duh broă Làng bol càr Lâm Đồng ồng Hồ Văn Mười đơs wih đơs wơl, gơ wèt mờ tiah is ồn Phú Qúy, pal tă bơsong jơh ală anih gơkòl bè gùng lòt, anih ơhò dà lềng ơm, đèng, dà mờ tiah ơm kis; ai lài bơtàu tơngguh broă lơh ka, lòt nhơl, hòi jà bơcri priă rơndăp ù tiah, kờp dŭ kơlôi sơnơng phan bơna bơ̆t bơtàu kềng gah dà lềng, ƀlàng rơndeh par, anih ơhò hơm tàm tŭ tơngai tus tơn.