Geh lơh tus ngai 25/01, Pơrjum dờng geh tơngume “Tềng đăp bồng bi pơnrơ ngan Đảng dê, tơrgùm bal pràn, dùl nùs bal lơh jăt geh cồng nha jơnau kờñ bơtàu tơngguh dà lơgar tus nam 2030; rơcăng lài is broă rơndăp lơh, lơh ngan is, pin dờn, guh pràn tàm rài brồ să jơi bơtiàn dê, tài ring lơngai, lơngăp lơngai is, làng bol lơh tờm, pas pràn, bơtàu tơngguh, jak chài, gơboh gơbài, kơnhăp cơnđoà lòt guh củ nghĩa sàh hội”.

Pơrjum dờng dơ̆ XIV rơ̆p cribơyai, ring bal ală sră nggal kwơmàng: Jơnau yal Cíñ trị bơh Mpồl Duh broă Đảng Dà lơgar khoă XIII; Jơnau yal tơn jơh bàr pe broă jơnau cribơyai tàm sră pơ àr mờ mùl màl tàm rài kis bè broă lơh tam gơl pa jăt pơlam gùng sàh hội củ nghĩa tàm 40 nam do tàm Việt Nam; Jơnau yal tơn jơh 15 nam lơh jăt Bơta boh lam Đảng dê mờ jơnau dan, pơlam gùng bơtơl, tam gơl Bơta boh lam Đảng; Jơnau yal sền swì tìs di bơta đơng lam, sồr lơh bơh Mpồl Duh broă Đảng Dà lơgar khoă XIII dê.

Sră nggal Pơrjum dờng XIV neh tơrgùm jơh bơta ring bal jrô ngan đah jơnau kờñ Đảng dê mờ nùs nhơm Làng bol dê, cih dờp geh rlau 14 tơlak jơnau đơs tă pơgồp bơh kwang bàng, đảng viên, cau geh bồ tơngoh gĭt wă, cau gĭt wă jrô mờ ală rơnàng làng bol tàm dơlam mờ bơdìh lơgar dê.

Pơrjum dờng cau ala măt gùt lơgar dơ̆ XIV Đảng dê là tŭ tơngai kwơmàng bơh bơta pin dờn mờ mờ kơ̆p kờñ ngan tàm rài pa: ring lơngai, lơngăp lơngai is, làng bol lơh tờm, pas pràn, bơtàu tơngguh, jak chài, gơboh gơbài.