Tàm dơ̆ wă, ồng Tô Lâm – Tổng Ƀí thư, Củ tịc lơgar đơs ngan Việt Nam đơs niam ngan gơnoar broă mờ ală tă pơgồp bơh lơgar Ấn Độ dê gơ wèt mờ ring lơngai, kơ̆ kơl jăp mờ bơtàu tơngguh bơh kơnhoàl ù tiah do dê; sùm sền Ấn Độ là dùl tàm ală cau lơh broă bal kwơmàng khà dùl, kờñ lơgar Ấn Độ pơn jăt tai lơh niam gơnoar broă dờng rlau tàm kơnhoàl ù tiah do mờ dunia.

Ồng Tô Lâm- Tổng Ƀí thư, Củ tịc lơgar đơs sùm Việt Nam mờ Ấn Độ geh gĭt gơ̆p lơh bơyô ờs mờng bơh yau, pin dờn cíñ trị oă; broă bàr đah dồ nùs bal tơngguh broă gĭt gơ̆p gơguh tus Tam klăc lơh broă bal Jŏ jòng Tơl làm Tơngguh tai geh gơtha kwơmàng dong lơh kơ̆ kơl jăp wơl pin dờn cíñ trị mờ pờ gơlik tŭ niam lơh broă bal jrô ơnàng làm uă tàm uă broă; sồr bàr đah pơn jăt tai tơngguh tai rlau tai tàm pơgơl mpồl kâp dờng mờ ală kâp lòt còp bal mờ gơ̆p, chồl pràn lơh broă bal kă bro phan, bơcri priă; rề ơnàng lơh broă bal jak chài măy mŏk, tơngguh tai tàm tơrbŏ, tìp măt lơh kwèng làng bol đah bàr lơgar.