Tổng Ƀí thư ồng Tô Lâm đơng lam mờ geh jơnau đơs pơndŭt kwơmàng, Tổng Ƀí thư đơs loh, Mpồl Duh broă Đảng Dà lơgar neh cribơyai duh hồl, nền nòn mờ dùl nùs ring bal Jơnau rơcăng cih Jơnau yal bơh Mpồl Duh broă Đảng Dà lơgar khoă XIII dê bè ală Sră nggal yal Pơrjum dờng XIV Đảng dê in.

Dà lơgar gĭt nền tàm tŭ tơngai kăc màng pa pal tơrgùm lơh jăt 3 tam gơl pràn kwơmàng, hơ̆ là tam gơl pràn pràn kơldang bè adăt bơtàu tơngguh, lơh pràn tam pà kâp jàu gơnoar, lơh pràn tam gơl pràn bè jak chài, măy mŏk, tam gơl pa bơceh lơh, tam gơl sồ; Tơrgùm tam gơl rơndăp tăp sèng, tơngguh uă jak chài mpồl cau lơh broă, tam gơl pa pràn kơldang broă lơh kwang bàng; Pơn jăt tai lơh sir ndrờm bal mờ tam gơl pràn pràn kơldang tàm bơ̆t bơtàu rơndăp tăp sèng phan bơna lơh sa – mpồl bơtiàn. Mpồl Duh broă Đảng Dà lơgar neh ring bal yal jơnau yal bè broă lơh kwang bàng nàng yal Pơrjum dờng dơ̆ XIV Đảng dê in; mơkung neh cribơyai nền tơngume ală broă rơcăng nàng bơyai lơh geh cồng nha Pơrjum dờng XIV Đảng dê.