Lài hơ̆, tàm ngai 21/01, Pơrjum dờng pơn jăt tai lơh broă jơh gùt ngai tàm Hìu pơrjum nàng cribơyai bè ală sră nggal Pơrjum dờng. Tàm dar ƀùi drim, neh geh 15 nă cau ala măt gơ wèt ală mpồl cau ala măt, anih lơh broă đơs tă pơgồp jơnau đơs.

Tàm dar ƀùi mho, geh 15 nă cau ala măt gơ wèt ală mpồl cau ala măt, anih lơh broă đơs tă pơgồp jơnau đơs. Ală jơnau đơs tàm jơnau cih tă pơgồp jơnau đơs tơrgùm tàm ală tơngume tờm kwơmàng bơh Sră nggal dê mờ ală broă kwơmàng geh làng bol, kwang bàng, đảng viên sền gròi. Nùs nhơm cribơyai duh hồl, song dơ pă, khăt gơboh. Mpồl Củ tịc Pơrjum dờng ki ngàm cih dờp, đơs niam ngan ală tơngume jơnau cih tă pơgồp jơnau đơs mờ ală jơnau đơs tă pơgồp jơh nùs jơh tồr, bồ tơngoh jak bơh ală cau ala măt dê; mơkung sồr ală Mpồl dềt Sră nggal kờp sền nền wơl, iăt kơno ală jơnau đơs dipal ngan nàng lơh sir jơnau rơcăng cih Sră nggal yal Pơrjum dờng in lơh nền.

Gơ wèt mờ ală jơnau đơs tă pơgồp loh làng, krơi is, Mpồl Củ tịc tơrgùm jơh wơl, iăt kơno, jun Mpồl Duh broă Đảng Dà lơgar khoă XIV in sền swì, lơh loh làng tàm ală Jơnau lơh nền tàm pơrjum mìng dùl tơngume, Broă lơh lơh broă lơh jăt Jơnau lơh nền tàm pơrjum mờ lơh sir tơngume Jơnau lơh nền tàm pơrjum bơh Pơrjum dờng XIV Đảng dê. Mpồl Củ tịc tơnơ̆ tŭ dan jơnau đơs tă pơgồp bơh ală mpồl cau ala măt dê neh yal Pơrjum dờng in bè tam gơl broă lơh lơh broă bơh Pơrjum dờng 14 Đảng dê. Pơrjum dờng neh pờ tê ring bal tơn rŭc lơyah 1 ngai mờ nggùl ngai lơh broă pơndrờm mờ broă lơh rơcăng lơh bơh chờm.