Rơndăp broă lơh gùng rơndeh lòt mhar Chí Thạnh – Vân Phong geh priă bơcri lơh kờp jơh mờr 11 rbô tơmàn đong, bơh Mpồl Ătbồ rơndăp broă lơh 7 lơh cau tờm bơcri priă. Rơndăp broă lơh geh bơta jòng pơgăp 48 kơi sồ, anih sơnrờp tàm tơrbŏ mờ gùng rơndeh lòt mhar Quy Nhơn – Chí Thạnh; anih lồi dŭt tìp bal mờ Gùng dà lơgar 1 (sàh Hoà Xuân), tàm tơrbŏ gùng lam đah Tô gùng brong Kwèl Đèo Cả mờ gùng rơndeh lòt mhar Vân Phong – Nha Trang. Broă bơ̆t bơtàu gam tàm tơngai jal mhar ngan, pah ngai ală cau tờm lơh ai gĭt nđờ jơ̆t nơm rơndeh măy mŏk phan ngui bal mờ gĭt nđờ rơhiang nă cau lơh phan, kỹ sư lơh crăp mòn.

Rơndăp broă lơh digơlan lơh sir jơh gùt gơl gùng tàm ngai 10/02 tus (lài mờ ngai Sa tềp bơhiàn nam Ơseh), nàng kờñ gờm chờ Pơrjum dờng XIV Đảng dê; mơkung pơgồp bơnah lơh sir gơl gùng đah Tô – Jum, lơh gơlik bơta gơn kơnờm kwơmàng lơh pràn tàm tơrbŏ gùng lòt rề ơnàng kă bro phan mờ bơtàu tơngguh lơh sa – mpồl bơtiàn càr Dăk Lăk dê.