Gơrềng tus jơnau rơcăng cih Jơnau lơh nền cíñ phủ dê bè lơh sră cih măt mpồl lơh sa kă bro, Ƀộ Priă jền neh kờp sền nền wơl mờ sền gŏ bàr pe tơngume kờñ pal tam gơl, bơtơl nàng dipal mờ broă lơh tơrlòng lài rơndăp lơh gơnoar ƀòn lơgar 2 kâp. Jăt hơ̆, tam gơl ală jơnau cih gơrềng tus kơnòl broă, gơnăp gơnoar bơh anih lơh broă lơh sră cih măt kă bro kâp càr, kâp kơnhoàl dê; broă ătbồ dia gơ wèt mờ mpồl lơh sa kă bro tŭ sơrbì kâp kơnhoàl; lơh tơn Jơnau lơh nền cíñ phủ dê tam gơl nàng pà kâp, pà gơnoar ai Anih duh broă Làng bol kâp sàh in bơsong sră nggal lơh sră cih măt jơnum lơh broă bal, mpồl lơh broă bal, tơrgùm ală mpồl lơh broă bal mờ hìu bơnhă kă bro…

Phó Thủ tướng ồng Nguyễn Chí Dũng ring bal mờ jơnau dan bơh Ƀộ Priă jền dê mhar cih wơl ală broă pa nàng dipal mờ bơta geh ngan tŭ tơrmù dipal gơnoar ătbồ 2 kâp; pà kâp, pà gơnoar, koh tơrmù ală sră pơ àr lơh jăt sồ jơh ală jơnau lơh nền, jơnau cih pa gơrềng tus lơh sră cih măt mpồl lơh sa kă bro. Phó Thủ tướng đơs sùm, Jơnau lơh nền cíñ phủ dê kờñ pal geh ai lơh jăt lài mờ ngai 01/07 tus.