Kwang ătbồ lơgar Nga ồng Vladimir Putin đơs nền, dơ̆ lòt còp bơh Thủ tướng ồng Phạm Minh Chính dê geh gơtha kwơmàng ngan gĭt lơh tàm broă pơn jăt tai gàr sùm mờ chồl pràn lơh broă bal 2 gah. Tàm nùs nhơm lơh bơyô bal, bàr nă kwang đơng lam neh yal mờ gơ̆p in bè broă gơlik geh mờ pơlam gùng, broă rơndăp lơh jŏ jòng bơtàu tơngguh lơh sa – mpồl bơtiàn bơh tơl lơgar dê. Tơngai do, mờ bơta lơh ngan bơh Cíñ phủ 2 lơgar dê, ală ƀộ, gah, ƀòn lơgar gơrềng bal, gĭt gơ̆p lơh broă bal uă bơta đah Việt Nam mờ lơgar ală ƀang Nga gam bơtàu tơngguh niam bơnĕ ngan gĭt lơh.

Tàm bơta hơ̆, Thủ tướng ồng Phạm Minh Chính mờ Kwang ătbồ lơgar Nga ồng Vladimir Putin neh cribơyai jrô ơnàng làm uă bè jơnau kờñ, bơta pràn bơh tơl lơgar dê, gĭt nền ală broă tờm kwơmàng, pơlam gùng dờng tàm lơh broă bal 2 gah tơngai tus, nàng kờñ lơh jrô ơnàng rlau tai gĭt gơ̆p Tam klăc lơh broă bal jŏ jòng tơl làm Việt Nam – lơgar ală ƀang Nga, sền do là ai lài kwơmàng jŏ jòng bơh jơh bal bàr lơgar dê.