Jăt jơnau yal bơh Ƀộ Bơ̆t bơtàu dê, tus tŭ do, jơh gùt lơgar geh 234 broă bơ̆t bơtàu, rơndăp broă lơh tàm 34 càr, ƀòn dờng tơl bơta tus bal, tàm hơ̆ geh 148 rơndăp broă lơh sơnđờm lơh mờ 86 rơndăp broă lơh ai ngui, ai rơndeh in tơrlòng lòt rê, broă dơ̆ do tàm pơn jăt tai ală dơ̆ sơnđờm lơh, ai ngui geh lơh dờng lài hơ̆, gơcèng jơnau gơtha cíñ trị, lơh sa jrô ơnàng, chờ gờm Pơrjum dờng Tàm pơrlòng gơboh lơgar gùt lơgar dơ̆ XI mờ Pơrjum dờng dơ̆ XIV Đảng dê mơkung lơh gơlik geh bơta gơn kơnờm, nùs nhơm rơcăng lài pa lơh pràn gơguh lơh sa mhar mờ kơnhăp jŏ tàm ală nam tus.

Thủ tướng sồr ală ƀộ, gah, ƀòn lơgar pơn jăt tai kờp sền nền, rơcăng wil tơl, jàu kơnòl broă loh làng, pal lơh di tơngai, niam.