Thủ tướng ồng Phạm Minh Chính mờ Kwang ătbồ Anih lơh broă ala măt lơgar Lo tàm Việt Nam ồng Hà Vĩ neh sền wơl bal ală bơtàu tơngguh niam ngan bơh gĭt gơ̆p Việt Nam mờ Lo dê tàm nam 2025; tàm cribơyai bè ală broă lơh lam lơh, lơh jăt geh cồng nha gĭt wă bal bơh Đơng lam dờng ngan rlau jơh bàr Đảng, bàr lơgar dê, lơh pràn gĭt gơ̆p 2 gah pơn jăt tai bơtàu tơngguh tus broă dờng jơnhoa pa tàm tơngai tus.

Thủ tướng sồr tơngguh tai lơh broă bal ngan ngồn, lơh pràn kă bro phan 2 gah ring bal, kơnhăp jŏ; đah Lo ai tơl bơta ƀươn bè pà sră ai gơnoar ai phan lơh geh bơh sươn sre, phan tàm dà mờ phan bơna phan ròng siam bơh Việt Nam dê in lơh geh tơl jơnau sồr; dong kờl phan kă bro Việt Nam dê tăc tus lơgar Lo lòt tus drà ndai. Bàr đah kung tàm cribơyai bè lơh broă blơi đèng, bơtàu tơngguh mpồng nhàr lơgar ngăc ngar mờ lơh sa kă bro phan tiah nhàr lơgar tàm ală ƀòn lơgar rềp nhàr lơgar.