Tàm nùs nhơm lơh bơyô, jơh nùs song dơ pă, bàr nă kwang đơng lam cribơyai jrô ơnàng làm uă bè broă tơl lơgar dê, gĭt gơ̆p 2 gah mờ ală broă kơnhoàl ù tiah do, ală lơgar sền gròi bal. Bàr đah đơs wih đơs wơl broă lam lơh jăt bơta wèt sền jŏ jòng bè lơh bal lơh sa tàm bơta pa, wèt tus kờñ priă geh bơh kă bro phan 2 gah geh 150 tơmàn dolar Mỹ tàm nam 2030; mơkung hơ pơn jăt tai ai tơl bơta ƀươn kă bro phan, pờ mpồng drà tăc blơi mờ dong kờl mpồl lơh sa kă bro Việt Nam in mŭt jrô rlau tàm ală drà tăc bro lơgar Hàn Quốc dê. Tổng Ƀí thư, Củ tịc lơgar ồng Tô Lâm sồr bàr đah lơh pràn lơh broă bal kơlôi sơnơng, tam jàu măy mŏk, ngan là lam lơh gơtùi Rơndăp broă lơh lơh Anih kơlôi sơnơng  Jak chài mờ Măy mŏk Việt Nam – Hàn Quốc (hòi lơyah là VKIST).

Kwang ătbồ lơgar Hàn Quốc ồng Lee Jae Myung pà gĭt lơgar Hàn Quốc crăp rơcăng tam pà măy mŏk tàm ală gah lơh sa mờ măy mŏk tơnơ̆ do bè bồ tơngoh jak kòn bơnus dê lơh, ƀán zẫn, năng lượng kloh, bơto mpồl cau lơh broă, pơgồp bơnah dong kờl broă lơh lơh tam gơl pa dà lơgar mờ bơtàu tơngguh jak chài măy mŏk gơguh jak Việt Nam dê; sồr bàr đah sơlơ tàm tơrbŏ bal mpồl tam gơl pa bơceh lơh, sơnđờm mŭt lơh broă bơceh lơh đah bàr lơgar.