Tàm dơ̆ lòt còp mờ tus bal Dơ̆ tơngkah kir sơnrai 80 nam Ngai Tam lơh jai pha tàm Tam lơh Sền gàr dà lơgar dờng ngan, Tổng Ƀí thư ồng Tô Lâm bal mờ mpồl cau ala măt kâp dờng lơgar Việt Nam dê rơ̆p geh ală dơ̆ tìp măt kwơmàng mờ đơng lam kâp dờng lơgar Nga dê, bơh hơ̆ lơh gơlik geh ală bơta pràn pa tàm lơh broă bal 2 gah tàm uă broă, tàm hơ̆ geh ală broă pa, uă bơta tơl pràn bè lơh sa, kă bro phan, bơcri priă, jak chài kwơmàng, năng lượng, măy mŏk pa, bồ tơngoh jak kòn bơnus dê lơh.

Pơgồp bơnah lơh geh tai ală bơta gơn kơnờm pa nàng lơh jăt ngan ngồn ală jơnau kờñ bơtàu tơngguh gơcèng bơta pơlam gùng tàm gĭt gơ̆p 2 gah Việt Nam mờ Nga, tài bơh kwơ bơh làng bol bàr lơgar dê, tài ring lơngai, kơ̆ kơl jăp, lơh broă bal mờ bơtàu tơngguh tàm kơnhoàl ù tiah do kung bè tàm dunia.