Ala măt ală oh mi đơng lam Đảng, Dà lơgar pơyua jơnau nting bơr gờm chờ sơnam pa niam bơnĕ ngan rlau jơh tus mờ Đảng ƀộ, gơnoar ătbồ mờ làng bol ală jơi bơtiàn tàm ù tiah càr dê, Tổng Ƀí thư tam pà bal mờ ală kal ke bơh ƀòn lơgar dê tàm nam do òr, bulah bè hơ̆ Tổng Ƀí thư ồng Tô Lâm kung đơs loh, mờ bơta ờ ơnàng, ù tiah mờ anih ơm kwơmàng bơh he dê, Dăk Lăk pal geh đơs tàm dùl jơnau sồr uă rlau.

Tổng Ƀí thư sồr ƀòn lơgar tă bơsong jơh ală anih gơkòl kơrnoăt boh lam, broă tờm kwơmàng là ù tiah broă lơh sa sươn sre – anih tam brê, mơkung lơh tam gơl niam wơl ngan ngồn tiah kă bro. Tài bơh do là jơnau sồr bơtàu tơngguh lơh sa mơkung là broă kơ̆ kơl jăp cíñ trị - mpồl bơtiàn mờ lơh kơ̆ kơl jăp wơl nùs dòn bơh Làng bol dê.

Tổng Ƀí thư sồr càr Dăk Lăk tơrgùm gàr kơ̆ kơnhăp sền gàr dà lơgar – lơngăp lơngai, gàr kơ̆ kơl jăp cíñ trị tàm tơl jơnau digơlan gơlik geh, sền do là bơnàng jă ờ gơtùi tam gơl bơh bơtàu tơngguh kơnhăp jŏ dê; is ồn pơn jăt tai bơ̆t bơtàu mpồl lơh broă gơnoar ătbồ lơh broă, duh rơngòt adăt boh lam, dòn song sàng goh mờ kong kơnòl tus lồi dŭt, di nùs nhơm Pơrjum dờng XIV Đảng dê.