Đơs tàm dơ̆ lơh broă, Tổng Ƀí thư ồng Tô Lâm sồr, tơngai tus, càr An Giang pal lơh jăt niam jơnau sồr bơ̆t bơtàu Đảng ƀộ mờ ală anih lơh broă cíñ trị sàng goh, kơnhăp pràn; gàr kơ̆ tam klăc, duh rơngòt adăt boh lam nàng lơh gơlik geh bơnàng jă ai bơtàu tơngguh in; sơlơ sền gàr tiah dà lơgar, lơngăp lơngai, lơh broă mờ lơgar ndai, gàr niam tiah ơm kis kơ̆ kơl jăp ai dùl ù tiah nhàr lơgar, dà lềng bồt bơlào geh ù tiah dờng màng.

Nùs nhơm “bơtàu tơngguh jak chài măy mŏk, tam gơl pa bơceh lơh mờ tam gơl sồ” kờñ pal geh lơh loh làng bơh ală broă lơh, rơndăp broă lơh geh kwơ ngan ngồn, sền do là bơta gơn kơnờm gơguh lơh sa pa càr An Giang dê. Mờ càr kung pal hòi tơrgùm mờ ngui geh cồng nha jơh ală priă jền, ngan là bơh lơh sa làng bol dê lơh is mờ lơh broă bal ală lơgar, nàng lơh pràn bơtàu tơngguh mhar mờ kơnhăp jŏ.