Tàm sră pơyua geh gơl: Di dơ̆ Ồng geh pin dờn pồ wơl lơh Tổng Ƀí thư Mpồl Duh broă Đảng Làng bol kăc màng Dà lơgar Lào khoă XII, ala măt Mpồl Duh broă Đảng Kộng sản Dà lơgar Việt Nam, añ chờ hờp ngan pơyua tus Ồng jơnau nting bơr chờ gờm jơh nùs ngan rlau jơh. Bơta pin dờn uă bơh jơh gùt Đảng, gùt làng bol dê gơ wèt mờ Ồng tơnggŏ bơta pin dờn kơ̆ kơnhăp tàm bơta đơng lam jak àng sơrdah bơh Đảng Làng bol kăc màng Lào dê tàm gùng lòt bơ̆t bơtàu mờ sền gàr Dà lơgar.

Di dơ̆ do, añ jơh nùs nting bơr kơ̆p kờñ Ồng pơn jăt tai lơh geh uă cồng nha tàm gơnoar broă dờng màng ngan he dê, pơn jăt tai geh ală tă pơgồp dờng ngan ai broă lơh kăc màng pơnrơ ngan bơh Đảng, Dà lơgar mờ Làng bol Lào dê, bal mờ ală oh mi đơng lam mờ Làng bol bàr lơgar Lào mờ Việt Nam pơn jăt tai bơ̆t bơtàu, lơh jrô ơnàng rlau tai bơta gĭt gơ̆p lơh bơyô bal dờng ngan, tam klăc bal is ồn, lơh broă bal tơl làm, tam klăc đềt mềr jŏ jòng đah Việt Nam mờ Lào.