Tơnơ̆ tŭ iăt jơnau yal mờ jơnau đơs bơh ala măt mpồl bơtiàn dê, Tổng Ƀí thư ồng Tô Lâm tơlik nùs chờ hờp tŭ mpồl bơtiàn cau Việt Nam tam klăc, sền gàr bơhiàn niam chài krơi is, lơh jăt niam adăt boh lam tàm tiah he ơm kis, mŭt gơrờm bal mờ làng bol Lào mờ gơgơs mpồl cau lơh kòn gùng lơh bơyô bal kwơmàng đah bàr jơi bơtiàn. Pal sền dờng rlau, ală hìu bơnhă Việt Nam sùm wèt hờ ƀòn tờm, sền gròi ngan bơto bơtê rơnàng kơnòm să sền gàr dà Yoan, bơhiàn kah yau mờ niam chài jơi bơtiàn dê.

Đơs nền làng bol jơi bơtiàn he ơm tàm lơgar bơdìh sùm là mpồl cau tam klăc đềt mềr puăc mhàm bơh jơi bơtiàn dê, Tổng Ƀí thư đơs sùm Đảng mờ Dà lơgar rơ̆p pơn jăt tai lơh sir broă lơh dong kờl làng bol jơi bơtiàn he ơm kis tàm lơgar ndai tàm bơcri priă, bơsram sră, kơlôi sơnơng, sơnđờm mŭt lơh broă, bơto bơtê dà Yoan, tàm jàu bồ tơngoh jak mờ lơh pràn ală broă lơh niam chài, lơh broă mờ lơgar ndai làng bol, bơh hơ̆ sơlơ lơh tam klăc đềt mềr mpồl bơtiàn làng bol ơm kis tàm lơgar ndai mờ Dà lơgar tờm.