Mho ngai 15/12, tàm Hưng Yên, Tổng Ƀí thư ồng Tô Lâm bal mờ ală cau ala măt Quôk hội càr neh tìp măt cau tĕ khà ală sàh: Kiến Xương, Lê Lợi mờ Quang Lịch, yal cồng nha tờm Dơ̆ pơrjum dơ̆ 10, Quôk hội khoă XV dê mờ iăt kơno, hơ ală jơnau lùp bơh cau tĕ khà dê.

Tổng Ƀí thư pà gĭt, broă lơh sa – mpồl bơtiàn tàm lơgar pơn jăt tai kơ̆ kơl jăp, bơtàu tơngguh wơl niam ngan tàm bơta dunia gam uă bơta gơ tam gơl; broă lơh rơcăng Pơrjum dờng cau ala măt gùt lơgar dơ̆ XIV Đảng dê gam geh lam lơh niam ngan, rơndăp tăp sèng, digơlan bơyai lơh tàm nhai 01 tus. Bè rơndăp lơh gơnoar ătbồ ƀòn lơgar bàr kâp, Tổng Ƀí thư ồng Tô Lâm sồr lơh mhar rơndăp tăp sèng hìu duh broă, jơtài dà lơgar, tơngguh uă cồng nha mpồl kwang bàng kâp hơđơm, sơlơ tam pà kâp, jàu gơnoar”. Di dơ̆ do, Tổng Ƀí thư pà 30 nơm măy tíñ ai pe sàh tàm Hưng Yên in; còp, pà phan hìu bơnhă cau ling sồt să Nguyễn Trọng Hiếu, cau geh màng mờ kăc màng pơnrơ tàm ƀòn lơgar.