Ala măt đơng lam Đảng, Dà lơgar, Tổng Ƀí thư ồng Tô Lâm pơyua jơnau còp să đềt mềr mờ nting bơr chờ gờm sơnam pa tus mờ ală oh mi bal mờ hìu bơnhă. Yal wơl broă dà lơgar, Tổng Ƀí thư đơs sùm, tàm bơta chờ hờp bal bè cồng nha lơh geh bơh Pơrjum dờng XIV Đảng dê, Việt Nam gam ơm tềng đăp tŭ niam dờng nàng cơnđoà mŭt tàm rài brồ să jơi bơtiàn dê.

Tổng Ƀí thư tơlik nùs nhơm ngoh rơngăc tŭ gơnoar broă mpồl ală kwang àng làng bol lài do dơ̆ sơnrờp geh cih dờp dờng màng ngan tàm sră nggal Pơrjum dờng XIV dê. Tổng Ƀí thư đơs nền, bulah neh rê rlô lơh broă jăt gơnoar kwơ, ală oh mi kung gam bồ tơngoh ngăc ngar, mờng chài, jơh nùs jơh tồr; dan pơn jăt tai lơh krơh tàm ƀòn lơgar, là anih kơldìng cíñ trị dòn kơnờm, jơh nùs tă pơgồp bơ̆t bơtàu mpồl Kwang àng làng bol ngan ngồn, jak chài ngăc ngar, pa ngan.