Pơrjum neh ring bal yal tơnggĭt 145 nă cau tơlik măt tĕ khà lơh cau ala măt Quôk hội lơh broă mìng lơh dùl kơnòl broă khoă XVI tàm Dà lơgar. Đơs pơndŭt pơrjum, Củ tịc Quôk hội ồng Trần Thanh Mẫn jàu Duh broă sùm Anih duh broă Lơh broă cau ala măt pơgồp bal mờ ală anih lơh broă pơn jăt tai sền swì nền wơl sră nggal, lơh sir sră nggal yal bơh Anih duh broă Lơh kơnòl broă sùm Quôk hội dê bè măt cau geh yal tơnggĭt tơlik măt tĕ khà Cau ala măt Quôk hội lơh broă sùm lơh kơnòl broă khoă XVI tàm Dà lơgar mờ yal tus ală anih lơh broă, cau nă să is in nàng ai jơnau đơs cau tĕ khà tiah lơh broă mờ lam lơh sră nggal jăt jơnau sồr bơh kơrnoăt boh lam dê; lơh sir Jơnau lơh nền tàm pơrjum pồ Cau dong broă Phó Củ tịc Duh broă sùm Quôk hội.

Củ tịc Quôk hội sồr Cơldŭ lơh broă Quôk hội pơgồp bal mờ Anih duh broă Lơh broă cau ala măt bơyai lơh Pơrjum ai jơnau đơs cau tĕ khà tiah lơh broă gơ wèt mờ ală oh mi geh yal tơnggĭt tơlik măt tĕ khà gam lơh broă tàm ală anih lơh broă Quôk hội dê.