VOV4.K'Ho- Điện thoại ngac ngar gam hòi là Smartphone neh gơ gơs là phan ngui ờ gơtùi ờ geh tàm rài kis tŭ do. Gơ dong bol he gơtùi ƀuơn tơm boh bơr mờ gơp bơyô, kă bro, lơh prài bồ tơngoh halà lơh broă khat tàm tiah lơi, khat tàm tŭ lơi. Bulah bè hơ̆, broă sền uă ir điện thoại ngac ngar digơlan lơh gơbàn uă jơnau gơ lời wơl ờ niam krơi is. Ală cau ngir điện thoại digơlan lơh gơ rềng uă ngan tus pràn kơldang să jan, bồ tơngoh, broă lơh, bơsram sră mờ ală bơta git gơp. Jơnau lồi poh ngai đơs bè tơngume do.