VOV4.K'Ho- Phan ngui sa ƀơ̆, lơh gơlik ờ sàng goh, mờng kwèng sa sào sền ờ sơ̆p pràn kơl dang să jan... gam ngềt ngơ̆t teh mpồng bơh tơl hìu bềp tàm ƀòn lơgar dê. Broă do ờ mìng lơh gơbàn jê ndul, ờ niam gùng tơdih phan sa lơm, mờ gam gơ lời wơl uă jơnau gơ lời wơl ờ gơtùi gĭt lài gơwèt mờ pràn kơl dang să jan mpồl bơtiàn dê. Di nhai lơh broă tài sàng goh phan ngui sa, jà làng bol mờ ală bơyô jat bal jơng Ƀák sìh K' Bru mờ bi Mè K' Bren nàng iăt dùl jơnau yal rềp mềr, lơh tơngkah bè sàng goh phan ngui sa- dùl broă tồn là dềt rơhền mơya digơlan gơlam tus jơnau gơ lời wơl dờng dilah bol he gam ờ sền gròi mờ sền ờ sơ̆p.